[rawen_dersim]

Gîdî loy
Gîdî loy gîdî loy
Gîdî gîdî loy sera şina
Daykê dayê kul û derdê mi girino
Daykê hawa yenû haway ûmnuno
Dayê pîyer û biskûnê mi kaydûno
Daykê dayê derd û kulê mi girino
Daykê dayê ma şînî Inî cyeruno
Mi va mi wirdî kêrdî bin têlîyuno
Gelo qum û eşîr xerîb byer byunî beşnê cînîyekuna
Gîdî gîdî gîdî loy sera şina
Kul û derdê mi girino
Arêkerdox: Seyîdxan Kurij

Elî Werday Heydûn (1)
Wêy la daykê,mi va sarê mi decawo.
Wilay mi sarê xwi girewto ragerawo.
Wêy la mi serrê xwi kerrî derî vero nawo.
Mi derdê xwi Hûmay ri vawo,
Hûmay niva tu mi ri vawo.
Wêy la no kerrewo, helîyawo.
Dar û birri kelimîyawo.
Çêw niva “derdê tu çina wo?”
Heywax qulê mi giruno
Ez adir kena Hewserî muno
Yew do tek ti ra nimuno
Xercî Eli Werday Heydûno
Hûma biqedîno miradûno

Wêy la daykê wilay mi va” sêr Hewserî mawi vaya
Bin Hewserî mawi vaya
Cêr ha yena yo cînîyeka surilaya
Hûmay kenî mi va dest meerz ci cînîyay dehwaya
Hewar gîdîyono, gîdîyono
Wêy la dayê gîdîyano, gîdîyano,
Wênî barê feqîrûno
Bextê ma ri telli kot fekî rayerûno
Çew derdê zerrê çoy nizûno
Wêy la heywax gîdîyano, gîdîyano,
Derdê Eli Werday Heydûno

Wêy la dayê kuarê wilay şina serrê bunê hewarûno
Xwi ra cêr unîyena beyarê şiqa Rehmûnûno
Cêr ho yeno qeflê tolazûno
Verî perîno fîtîl verdaw serrê timnûno
Gelo qumo vêrîn mi nisinasna owi kûmo
Mi nizûna Elî Werday Heydûno,
Heyrûn sîne sedefino
Mi ri bixelisnên serrê nuştî sîminino
Daykê gîdîyono, gîdîyono
De gelo qumo derey bûnîyen beşnay cûmîyerdûno
Wilay owi çi kesiko mi nizûna

Wêy la dayê kuarê wilay mi va sêr hewserî ma herawo,
bin hewserî ma herawo.
Ehmêd mehûn te de metrîs hewilnawo,
Kalmo Misirî hewa nawo.
Wêy la wilay vûnî pêy serrê Elî yî neqişnawo
De hewar Gidîyono, gîdîyono.
Wilay derdê mi girûno,
Hûma barê feqîrûno

Wêy la daykê wilay Elî şû Neribê Wisifûno.
Xwi ri top ken tol û tolazûno”.
Wilay vûnî “ yenû, barken şinû Qerbegûno”
De mevacî nê tersî kotî medresûno.
Elî tifingo sîmin hewa nûno.
Wêy la wilay vûnî “Ehmedî Mihûni teqle û nîm te ser di dûno.”
Hewar gîdîyono, gîdîyono
Dayê derdê mi girûno
Wey la, çew derdê zerêy çew nizûno.
Alawo serîn têna derdê hemin zûno.
Hewar gîdîyono, gîdîyono
(1) – Ma na dêyr fêk Xêt Aşikûn ra girota.
Arêkerdox: Seyîdxan Kurij

Hayê hayê (1)
Hayê hayê ma bye waharî
Hayê haye ma hirye wayî
Hayê hayê ma şeş birayî

Dêst ma ling ma giredayî
Ma dewûni di bye Wahar verdayî
Ma dewûn di bye Wahar verdayî
Gulê tapûn mari varêni
Gulê mavzêr ma ri varêni

Hayê hayê ma bye waharî
Hayê haye ma hirye wayî
Hayê hayê ma şeş birayî

Aşma kuhuna aşma zerdi
Şewqê xwi da Çewlig ser di
Şewqê xwi da Çewlig ser di
New heval ma şêhid kerdi
New biray ma vini kerdi

Hayê hayê ma bye waharî
Hayê haye ma hirye wayî
Hayê hayê ma şeş birayî
1) Ina dêr mi kasêt yew Çewligij ra girot, numê yi Feteh o.
Arêkerdox: Seyîdxan Kurij


Heval bermena (1)
Ax lê heval lê meke
Piyerrê sarê xwi şune meke
Zewac xwi ri edet meke
Derdun xwi zerre meke
Zewac xwi ri edet meke
Derdun xwi zerre meke

Heval yena kiştun ra
Newe wirişta bye huna
Keyfê min û tu persena
Heval kênê dezuna
Keyfê min û tu persena
Heval kênê dezuna

Ina heval bermena
Hesrûn xwi esterena
Warê kulûn derdûna
Ma di xeber nidûna
Warê kulûn derdûna
Ma di xeber nidûna

Heval ti qê qêrena
Aşma di şoyin ma diya
Dêst sibay verradaya
Tersê tu ver remaya
Dêst sibay verradaya
Tersê tu ver remaya
1) Ina dêr mi kasêt yêw ÇEWLIGIJ ra girot, numê lacêk FETEH o.
Arêkerdox: Seyîdxan Kurij
Hêywax mirî
Lê Lê koy ma nîyo koy darbêndî
Şunun û gawunûn ti ra qetar wêndî
Bext min û tu ri hol pîyer şî ,xirab mêndî
Hêywax mi rî heywax mi rî qeder çîno ez sêkîrî
Lê lê ez niweşa myun cilundo
Şue bîya mi ser hekîmûno
Hekîmo tu hûmay kênî ti derdunê mi darikîrî
Hêywax mi rî hêywax mi rî qeder çîno ez sêkîrî
Lê lê rîyê veruêj rîyo raşto
Delal tu ti ra pîyer û biskê xwi viraşto
Mi xatir ser û nîm tu ra waşto
Heywax mi rî hêywax mi rî qeder çîno ez sêkîrî
Lê lê naver lê yî wiver lê yî
Sarê xwi bur xêrîbîyê
Zerrê mi û tu bîya qul û qul û pencirêyî
Heywax mi rî heywax mi rî qeder çîno ez sekîrî
Delal vêng tu weşo vêng tu weşo
Mi kerd gueşare kerd xwi gueşo
Şar dewê şimja pîyer mi ri biyo verg û heşo
Heywax mi rî heywax mi rî qeder çîno ez sekîrî
Lê lê delal emuneto yemuneto çim tu sîyay birîyê tu qico
Ma têrgk yew bîn nikênî hetun ruejê qiyumeto
Heywax mi rî heywax mi rî qeder çîno ez sekîrî
Delal vêrbêr baykê tu kebero
Şar dewê şima ser amo pîyesero
Tu ewca di nîyeb ez nieşkawa berra bîyêr tebero
Heywax mi rî hêywax mi rî qeder çîno ez sekîrî
Lê lê delal zera zera zer sînena çimûn sîyayun girgirnena
Ez yew ruej tu mevîn , rueşnayî çimûn mi kêmyena
Heywax mi rî hêywax mi rî qeder çîno ez sekîrî
Delal çim tu sîyay girgirnênî
Meşue çewlîga mêrat bêdilyênî
Mi nizuna binatê ma di ser û aşmê li qedyênî
Heywax mi rî heywax mi rî qeder çîno ez sekîrî
Lê lê delal esker yeno lê li taburî
Lêro mi eşm hun dîyo çim cadîrî
Ez tersena tu bêr bêrzî welat durî
Heywax mi rî heywax mi rî qeder çîno ez sekîrî
Arêkerdox: Seyîdxan Kurij

Îdrîs
Dayê lêyro dayê lêyro
Dayê leyro cahîlê mi
Warê Heydêr(1) bêrz waruno
Xeber şîya wusbeguno(2)
Vunî Îdris mi kişyawo
Di qij Îdris eşt mêduno
Nar wêr qeldên dişmenuno
Bîya qîj qîjê mawzeruno
Gilê kêjî myun ermundo
Pyeru sîya myun çimundo
Dayê leyro cahîlê mi
1) - Binatê Çewlîg û Palî di yew waro
2) - Yew dewê Çewlîg a
Arêkerdox: Seyîdxan Kurij

Îslo dilo (1)
Îslo dilo lo dilo lo dilo lo dilo
Îslo dilo lo dilo dil mi dilo delîlo

Ma şinî warê heydêri axlo dilo lo dilo
Kuemê ma ha pêr sêra dilmi dilo delilo
Verba Kuemê muxtari îslo dilo lo dilo

Pencirê sera sêrî
Îslo dilo lo dilo
Sa re sîyay te de aysênî
Dil mi dilo dêlîlo

Îslo dilo lo dilo lo dilo lo dilo
Îslo dilo lo dilo dil mi dilo delîlo
Arêkerdox : Seyîdxan Kurij

Ax lê lê dayê
Ax lê lê dayê lê dayê hoy dayê
Ax lê lê dayê lê dayê can dayê
Kurdistun cêyko duzo hoy dayê
Pîyer çîmen û nergizo can dayê
Vengê ma vengê karker hoy dayê !
Rîyê ma rîyê Azadî can dayê
Ma niwazên bindestî hoy dayê
Ma wazenî serbestî can dayê
Ax lê lê dayê lê dayê hoy dayê
Ax lê lê dayê lê dayê can dayê
Arêkerdox : Sêyîdxan Kurij

Şûno şûno
Keko şûno bira şuno
Keko huma mekir kî bîgîr fermûno
Erd humay kî ri benû girûno
Kerrê setar kî nyedûno
Keko şûno mehkimay birawûno
Keko şex Tahar şêxê Welûno(1)
Şêx Rehîm şêxê Sîvûno(2)
Warişt we şî Melekûno(3)
Cemaat kaş kerd sêr bun axûno
Şêxê mi kum xîlafê seri şino
Wicax yi xirabe bo
1) - Welûn yew dewê Çewlig a
2) - Sîvûn giredayî Darahênî yew nahiye ya
3) - Melekûn yew dewê Bingolan a
Arêkerdox : Seyîdxan Kurij



Ax lê dayê
Ax lê lê dayê lê dayê hoy dayê
Ax lê lê dayê lê dayê can dayê
Kurdistun cêyko duzo hoy dayê
Pîyer çîmen û nergizo can dayê
Vengê ma vengê karker hoy dayê !
Rîyê ma rîyê Azadî can dayê
Ma niwazên bindestî hoy dayê
Ma wazenî serbestî can dayê
Ax lê lê dayê lê dayê hoy dayê
Ax lê lê dayê lê dayê can dayê
Arêkerdox: Seyîdxan Kurij

Lacek lawo
Lê lê delal Ruej vêcyenu ini deredo
Ziraj qaqibnena ini kere do
Kênay terês ez kena nikena
Dêrd tu nivyeceno mi zere ra
Dayê Rîyê veruêj rîyo raşto
Kîbar dilê mi ti ra pyer viraşto
Lê lê dayê waxtigo vêr xwi da xêrîbê mi xatir di serun ti ra waşto.
Delal qirbun ti bîye ma şînî virsnê li daruno
Berxê dînê ti bîye ma şînî zîyaretê li miraduno
Kum binatê ma di şêytunê bikir hot bêr cexnim ci ri abo
Lacek lawo ti çarayî ti çarayî
Tu zumbîyêl sîyayî pêd qeldayî
Lacî terês ez dinyara zaf gêraya, mi zafê sê tu xapînayî paverdayî
Delal qirbun bîye ma şinî zerrê layî
Berxê dînê qayişt eştu dar sayero
Wiolay bîlay mi têrk ayî çimun sîyayun nikêrdiyen mi nizuna tarî şundî li dîyawo
Lacek lawo vêng tu weşo, vêng tu weşo
Berxo dîno mi kerd gueşare kerd xwi gueşo
Lo lo mi nizuna emser çend sêrro dinya ra tu ri bîya verg û xeşo.
Arêkerdox: Seyîdxan Kurij


Lê Hêwalê
Ax lê lê ax lê lê
Ax lê lê lê hewalê

Ina hewalê mi bermena ax lê lê ax lê lê
Ina delalê " " ax lê lê lê hewalê
Hesrun çimun gir girnena ax lê lê ax lê lê
" " " " ax lê lê lê hêwalê
Dismal gena esterena ax lê lê ax lê lê
" " " ax lê lê lê hêwalê
Hot dismalun helisnena ax lê lê ax lê lê
" " " ax lê lê lê hêwalê
Ê dê heştin tê werdena ax lê lê ax lê lê
" " " " " ax lê lê lê hêwalê
Ciyerdo yena dêst mi gena ax lê lê ax lê lê
" " " " " ax lê lê lê hêwalê
Dêst mi gena govend gena ax lê lê ax lê lê
Dêst mi gena rêqisyena ax lê lê lê hêwalê
Lingê govend xelitnena ax lê lê ax lê lê
" " " ax lê lê lê hêwalê
Qum şîrino terk nikena ax lê lê ax lê lê
" " " " ax lê lê lê hêwalê
Biyêrî dayk û baykî kena ax lê lê ax lê lê
" " " " " ax lê lê lê hêwalê

Ax lê lê ax lê lê
Ax lê lê lê hewalê

Baykê xwi ra şarmîyena ax lê lê lê ax lê lê lê
Daykê xwi ra cîyez wazena ax lê lê lê lê hevalê
Ina hevalê Mehmed cunî ax lê lê lê ax lê lê lê
Dest û lingê tut mircunî ax lê lê lê lê hevalê
Vêv û zuma gun û cunî ax lê lê lê ax lê lê lê
Yêw bînun ser sundun dunî ax lê lê lê lê hevalê

Ax lê lê ax lê lê
Ax lê lê lê hêwalê
Arêkerdox: Seyîdxan Kurij


Dayê lêyro Mehmudê mi
Sêr xêdmemi(1) mij dumino
Bin xêdmemi mij dumino
Bîya gir girê mavzeruno
Dayê qirbun Mehmudê mi
Kum bu sebêb cahîlê mi
Sêr qil surî di lêyêkî
Bin qil " " "
Cînî Remzun û Ehmêd mi vêyvêkî
Qic Ehmêd mi wurdîyêkî
Dayê qirbun Mehmudê mi
Kum bu sebêb cahîlê min
Sêr qil surî çal û wêkî
Bin " " " " "
Ehmêd mi girotpiray kinc axrêtî
Dayê qirbun Mehmudê mi
Kum bu sebêb cahîlê mi
Cerg vêcîyay cergê Teh hecuno
Hê tede çut dawunçuno
Vun kiflyayî Ehmed û Remzuno
Dayê qirbun mehmudê mi
Kum bu sebêb cahîlê mi
Dayê mi va: ez kê ehmêd xwi barkîrî
Bêr myun sukê Çewlîg kîrî
Pê duşmenun yi cakîrî
Dayê qirbun mehmudê mi
Kum bu sebêb cahîlê mi˝
1) Xêdmem yew dewê Palî ya.
Arêkerdox: Seyîdxan Kurij

Alan
Ez û Alan lê lê lê lo lo lo çum binê darê
Alan da min lê lêl ê lo lo lo goştikê kalê
Ez û Alan lê lê lê lo lo lo çum binê gîzê
Alan da min lê lê lê lo lo lo kakilê guîzê
Ez û Alan lê lê lê lo lo lo çum binê çerxê
Alan da min lê lê lê lo lo lo goştikê berxê
Ez û Alan lê lê lê lo lo lo çum berê çemê
Alan da min lê lê lê lo lo lo şekerê Şamê
Arêkerdox: Seyîdxan Kurij

Ax bira
Ax bira bira birawo,
Ax bira bira birawo
Ez nivacî ez helîyawo
Ez nivacî ez qedîyawo

Mala Xelîl malay mawo
Mala Xelîl malay mawo
Kîtabê xwi pîl ruenawo
Pel bi peli qelibnawo
Ser qelem keko mistfawo
Kek Ehmed eskero sîyawo

Ax birawo, ax birawo
Ez nivacî ez helîyawo

Qedîya queşî astiwarûno
Qedîya queşî astiwarûno

Yenî sowqê cahîlûno
Yenî sowqê cahîlûno
Ax birawo, ax birawo
Ax birawo, ax birawo
Ax bira Ehmed Axawo

Hor vecîyaw surmê welûno
Hor vecîyaw surmê welûno

Ax bira bira birawo,
Ax bira bira birawo
Ez nivacî ez helîyawo

Gunek wakê tu tanaya
Gunek wakê tu tanaya
Arêkerdox: Seyîdxan Kurij
Vatox : Xêt Aşikûn