 Kilamên Zazakî
Tib yarê
Tib yar tib yar tib yarê
Tib yar tib yar kemerê
Munê kemer çi sisto
Cayi Fexrun çi wêşi
Kenê yini xendiz başi
Him başi him belaşi
Tib yar tib yar tib yarê
Tib yar tib yar kemerê
Arêkerdox: Seyîdxan KURIJ
Vehdet bira (1)
Vehdet vêciyaw sêr kuêyuno
Kotu myuni pêşmerguno
Semêd xelas Kurdistuno
Heywax bira hêywax bira
Semêd xelas Kurdistuno
Hêywax bira Vehdet bira
Hêywax bira Hêywax bira
Va şehid kerd Vehdet bira
Xeber kota şari myuni
Cenazê tu di biya sira
Xeber kota Çewlig myuni
Cenazê tu di koti sira
Şefeq diya vêciya Tiji
Waxtigo eşnawit biya geji
Duestun xap kerd êr û rueji
Hêywax bira Hêywax bira
Duestun xap kerd êr û rueji
Hêywax bira Vehdet bira
Hêywax bira Hêywax bira
Va şehid kerd Vehdet bira
Xeber kota şari myuni
Cenazê tu di Koti sira
Xeber kota Çewlig myuni
Cenazê tu di koti sira
Xeber şiya duşmenun ri
Şewi koti siperuni
Xeber duni cirununi
Hêywax bira Hêywax bira
Xeber duni cirununi
Hêywax bira Vehdet bira
Hêywax bira Hêywax bira
Va şehid kerd Vehdet bira
Xeber kota şari myuni
Cenazê tu di Koti sira
Xeber kota Çewlig myuni
Cenazê tu di koti sira
1) Vehdet Çewlig ra bi, 1993 di nizdi dewê Azidi pê dêst leşkerun Tirkun amê şêhid kerdiş.
Arêkerdox: Seyîdxan KURIJ
Welat (1)
Ma welat ra barkerdu dayê
Mal û mulk xwi caverdawu Bavo
Temum koti bajarun dayê
Ax ma duê meşkuno bavo
Besa ina feqirti dayê
Besa ina bindesti bavo
Xirabe kerda dewê ma dayê
Miletê ma zivirnaya bavo
Werrê mi zemun vêri dayê
Ma bi kal û extiyari bavo
Besa ina feqirtiyê dayê
Besa ina bindestiyê bavo
Ma bye kar û bye işê dayê
Êşt ma şele keleşi bavo
Pizê ma pizo veşun dayê
Ma êşt vêrni mufrezun bavo
Besa ina feqirti dayê
Besa ina bindesti bavo
Warê ma qil berzuno dayê
Ezi şunê bizuna bavo
Vuni fetex nyezuno dayê
Kes xalê mi nizuno bavo
Besa ina feqirti dayê
Besa ina bindesti bavo
1) Mi ina dêyr bant yew xwêrt ÇEWGIJ ra girot, numê lajêk FETEX u.
Açiklama: (Duê meşkun: Yayik ayrani)
Zivirna : Soyup sogana çevirme
Arêkerdox:Seyîdxan KURIJ
Welatê min
Koy Çewlîg o şerefdîn o
Ti ra gêrênî şarik û şivan o
Pêsî bênî helê şun o
şinî bare berîvan o
Welatê min welatê min
Çayir çîmen welatê min
Gûl û nergiz welatê min
Pêşmergê êrzîyay koyun o
Xebêr kota eskêr Tirk myun o
Wiriznênî wue hawafirun o
Bênî sebêb cahîlun o
Welatê min welatê min
Çayir çîmen welatê min
Gûl û nergiz welatê min
Sêr Çewlîgi dar mazyêrî
Pêşmergun xwi ri çek bêrî
Pê eskêr romî teberkîrî
Dinya romî ri teng û tarîkîrî
Welatê min welatê min
Çayir çîmen welatê min
Gûl û nergiz welatê min
Not: Ji bo vê klamî tu dikarî li gor xwe muzîk çêkirî
Arêkerdox:Seyîdxan KURIJ
Vatox: Fetex KURIJ
Werî Xanê
Werî xan Werî xan werî xanê xanay mi
Werî can werî can werî canê tib canay mi
Xanê baxçe byê duno çanay mi
Byê byê mişmişuna tib canay mi
Miflmiş erê gerguşo xanay mi
Mişmişo tal û tirşo tib canay mi
Xanê bye emşi meşue xanay mi
Dayk çik pot çiko weşo tib canay mi
Werî xan Werî xan werî xanê xanay mi
Werî can werî can werî canê tib canay mi
Xanê baxçe byê duno xanay mi
Byê byê xîyaruna tib canay mi
Xîyar werê kênuno xanay mi
Xîyar werê rinduno tib canay mi
Werî xan werî xan werî xanê xanay mi
Werî can werî can werî canê tib canay mi
Xanê baxçe byê duno xanay mi
Byê byê zebefluna tib canay mi
Zebêş werê xwertunê xanay mi
Zebêş werê merdunê tib canay mi
Werî xan werî xan werî xanê xanay mi
Werî can werî can werî canê tib canay mi
Arêkerdox: Seyîdxan Kurij
Wikê (1)
Ax wikê wikê lê wikê
Wikê biya vêvikê
Xebarê mi tu ra çina
Ez feqirê de wikê
Xebarê mi tu ra çina
Ez feqirê de wikê
Yenê wellat serdino
Awkê derun ti mewo
Dinya alem vinena
Ez heq tu ra geno
Dinya alem vinena
Ez heq tu ra geno
Ax wikê wikê lê wikê
Wikê biya vêvikê
Xebarê mi tu ra çina
Ez feqirê de wikê
Riyê Çewligi berzo
Hê tede dewê azo
Derd û qul yini giruno
Semêd warê hesaro
Derd û qul yini giruno
Semêd warê hesaro
Ax wikê wikê lê wikê
Wikê biya vêvikê
Xebarê mi tu ra çina
Ez feqirê de wikê
Ziktêyija min şirina
Dayê derdê min girino
Koyê çotlax kerd xalî
Dayê warê bav û kali
Koyê çotlax kerd xalî
Dayê warê bav û kali
Ax wikê wikê lê wikê
Wikê biya vêvikê
Xebarê mi tu ra çina
Ez feqirê de wikê
Dewê Tawsî qewaxi
Dayê ti mekir ax û waxi
Ax wikê wikê lê wikê
Dayê ti mekir ax û waxi
Ax wikê wikê lê wikê
Wikê biya vêvikê
Xebarê mi tu ra çina
Ez feqirê de wikê
Esker kotu dew myuno
şari ma kerdu gejo
Ezi vuna dengbêjo
Ez laceko Çewligijo
Ezi vuna dengbêjo
Ez xwertigo Çewligijo
Ax wikê wikê lê wikê
Wikê biya vêvikê
Xebarê mi tu ra çina
Ez feqirê de wikê
Xebarê mi tu ra çina
Ez feqirê de wikê
1) Mi ina dêr kasêt yew Çewligij ra girot, numê yi Fetexu.
Arêkerdox: Seyîdxan Kurij
Xubê
Riyê Çewligî berzo
Deştê yi pîyeri rezo
Ez biyêri tu biwazi
bayk tu nidawo suezo
Bayk tu nidawo suezo
Oy Xubê, Xubê Xubê
Mir tiyoduna vêr tenurê
Dinya alem zewiciya
Ti menda wecax korê
Ez ha şina qurbeto
Ti mi ra mereq meko
Zewac mi û tu zexmeto
Ala bikir reheto
Zewac mi û tu zexmeto
Ala bikir reheto
Oy Xubê, Xubê Xubê
Mir tiyoduna vêr tenurê
Dinya alem zewiciya
Ti menda wecax korê
Arêkerdox: Seyîdxan Kurij
Xunê hecî
De gîdî gîdî de gîdî gîdî
De gîdî gîdî Xunê hecî
Xunê hecî gulvareka
Şew dewruna roj feleka
Dêst Çun bîgir hêt mereka
Hec vun Xunê mi naşîya
Teres vun Xunê mi naşîya
Mi Xun nîya cerg başîya
Cerg girota kue ra şîya
Sêr bun Hecî yew mêduno
Bin bun Hecî yew mêduno
ini mêdunê astiwaruno
ini mêdunê Kexîluno
Ehmed beg mayin kayduno
Riza beg nun rue zerduno
De gîdî gîdî de gîdî gîdî
De gîdî gîdî Xunê hecî
Arêkerdox: Seyîdxan Kurij
Dayê lêyro
Day lêyro lêyro lêyro Day lêyro lêyro lêyro
Day " " " Ziaracaw borunay mi
Kênê şinî virsnê bunî Day lêyro lêyro lêyro
Tegel dunî fîstununî Ziracaw borunay mi
Hot tegelun xeleitnênî Day lêyro lêyro lêyro
Hot " " Ziracaw çimsîyayay mi
Vunî ma kênê axunê Day lêyro lêyro lêyro
Halbukîkênê aşkunê Ziracaw borunay mi
Yegaw pilo filxuno Day lêyro lêyro lêyro
Yew ho myuni di owk duno Ziracaw Çimsîyayay mi
Munên baykê kênuno Day lêyro lêyro lêyro
Ma şinî kênaya qij ver ra Ziracaw borunay mi
Kênaya qij ma niduno Day lêyro lêyro lêyro
Înşalah Kêye di bimuno Ziracaw çimsîyaya mi
Rizqê yay kuari di bimuno Day lêyro lêyro lêyro
Cyezê yay gale di bimuno Ziracaw borunay mi
Day lêyro lêyro lêyro Day lêyro lêyro lêyro
Day " " " Ziaracaw borunay mi
Arêkerdox: Seyîdxan Kurij
Zerac
Lê la heywax heywax zerac honika de heywax cêrû yena
Lê la çim sîyay mi honika wax cêrû yena
Lê la zeracîn wilay vûnî “ çem û çaqe têşunena“.
Lê la bê qeder gure nikena.
Lê la hûmawo sêrîn vacû, wax ez tu bena
De heywax heywax zeracîna
Ere wilay tu sînna, wax ti nexşîna
Lê la wilay mi va “ko sipye berzê koyun o”
Lê la ti ra gêren ser warik o, bin di Mekon o
Lê la vor varaya wax zimistûn o
Lê la ez heyrûnê wird çimûno
Erê wilay kulê tu kota mi gûno
Lê la putê wilay ez tersena wax te de mûno
De heywax heywax ez sekîrî
Erê wilay çim tu sîyay biryê tu qicî
Keynê wilay mi ra wax kota durî
Ez tersena pênîd derd û kulê wax tu bimirî
Lê la heywax heywax ez sekirî
De heywax heywax tu r` bimirî
Lê la darê deway ma telli yo
Keynê wilay tu serra bîya vengi yo
Lê la wax bu delu, wax xwi ri şîyo
De heywax wilay mi zeracay xwi nedîyo”
Lê la heywax heywax zerracîno
Lê la keynê wilay tu sînna, ti nexşîna
Lê la mi va “sêr bûn bawkê wax tu di şiqî”
Keynê wilay ez û zerecay xwi aşiqî
Lê la kot binatê min û tu wax minafiqî
Inşalay Rehmûn kênê yi pay vindî wax çilkî bikî
De heywax heywax zerracîna
Lê la keynê mi va « Ser bûn bawkê tu lêyekî”
Lê la çim sîyay mi va “ vêr bêr wax baykê tu lêyekî”
Erê wilay cay ma çîno, ma xwi deki
Lê la çim sîyay ez qirbûnê wax tu ay fekî
De heywax heywax zerracîna
Putê wilay tu sînena, wax ti nexşîna
Not : Na dêyr Çewlîg, Pali û Pîran de vacîyena. Ma ni varyant fêk Xêt Aşikûn ra girota.
Arêkerdox: Seyîdxan Kurij
Zirav
Zirav zirav zirravê lêyrro lêyro ha lêyro
Zirav zirav ziravê ax çîngê kafir bevê
Zirav şina qirşîkî lêyro lêyro ha lêyro
Semêd lemê tirşikî ax çîngê kafir bavê
Zirav şina talbasun(1) lêyro lêyro ha lêyro
Kena pa ryezê masun ax çîngê kafir bavê
Zirav şina tirmasun lêyro lêyro ha lêyro
Kasun masun kên tasun ax çîngê kafir bavê
Zirav qica qum veta lêyro lêyro ha lêyro
Umbazun ra serkota ax çîngê kafir bavê
Daykê zirav cinveta lêyro lêyro ha lêyro
Owk deruni di hesreta ax çîngê kafir bavê
Kutik belek girawo lêyro lêyro ha lêyro
Puncê zummay dirnawo ax çîngê kafir bavê
Zirav pîne padawo lêyro lêyro ha lêyro
Pînê zirav aysawo ax çîngê kafir bavê
Zirav zirav ziravê lêyro lêyro ha lêyro
Zirav zirav ziravê ax çîngê kafir bavê
1) Yew Dewê Çewlîg a
Arêkerdox: Seyîdxan Kurij
Zirav
Zirav zirav ziravê lêyro lêyro ha lêyro
Zirav zirav ziravê axçîngê kafir bavê
Kênê şinî hesarî lêyro lêyro ha lêyro
Kuênî byestunun şarî axçîngê kafir bavê
Semet lîçê xîyarî lêyro lêyro ha lêyro
Kuênî keberun şarî ax çîngê kafir bavê
Zirac qica qum veta lêyro lêyro ha lêyro
Owk derunidi hesreta axçîngê kafir bavê
Kutik belek girawo lêyro lêyro ha lêyro
Puncê zirav dirnawo axçîngê kafir bavê
Dayk ciri pînê padawo lêyro lêyro ha lêyro
Pînê yay zi dirnayawo axçîngê kafir bavê
Arêkerdox: Seyîdxan Kurij
|