[xelat_azad]

DİYALOG

Bi sûnd bi peyman
ezê nehêlim kuç liser kuç
kit jê nahêlim
ezê bajar bikim
Dojeha liser riwê erdê
da "gawir" vegerine
ser riya "Ata"yê mezin
bira êdi Şirnex bêje
xwezi bi Dêrsimê geliyê Zilan
xwezi bi Helepçe
De lêxin "gurên boz" lêxin
kit ji wan nehêlin
Bira zanibin
Cihê şûrê me lê bilind bibe
ti seri xwe ranakin dibê
dixindirine newala
lêxin "Aslanlar" lêxin
mizgîniya "mirinê" bighênin
Qulpe û xwişmakên wê
Bêjin vaye hat "mirina zer"
bira ev çiya û zinar
nasbikin ez kime
ezim "Sayar"im
neviyê "Xanê" mezin
yê "Ata" û yê "Îsmet"

pesnê xwe nede
xezeba te ji tirsa nara teye
Alem pesnê xwe bi mirovaniyê
dilovaniyê zanyariyê dide
tu bi şûr
hin gelek ditin bahozên "zer"
li vî erdi gelek nîv-mirov
di çav xwede "fêris"
di nava xwede "newêrek" û
"bêbext"
derbas bûne
gelek hatine bablisokên "zer"
te basa "'xanê" mezin
'Ata" û "Îsmet" kir
ew hatin û çûn
lê ez livirim
ez livirim
liber diwarê birca Amed
ez livirim mîna Sûrhê me

li ser singa te
mina direhê me
di gewriya tede
di çavên tede
bablîsoka ji agirim
mîna sûrhê me liser sînga te

birçî tazi bider serê xwe natewênim
siruda welat dixwinim
kolonan dadigrim
bi rê ketiye 'meşa azadiyê"
zindan min kiriye mala rûmetê
dibistana şoreşê
bûme diwarê qalind liser singa te
livirim
nobedarê dara gûzê me
tiwa li hewşê
nobedarê tenura dayika şêrînim
ez livirim hevîrtirşim
di legena hevirê welat de
ez dipêjim hanê "Kurdayetiyê"
e saben min ji cemeda kurra
"Agrî"
di dilê mide dojeha sor
dema ez lidibim latê diguvêşim
ax nanê mine eger birçibim
lê dîsa livirim
bar nakim her livirim
sûrha giranim liser singa te
ez bazim û helina min e
"Bagok" û "Herekol"
ez pêşmerge me 'Egîdim"
diwarê qalindim liser bedena te
Bipirse ji 'Îskenderê Mezin"
...
ewê bêje te
çend dijware tîra min
ewê bêje te çiroka min
ev çiya carekê rabune
go hew bitewin
Sûrhim li ser singa te

livirim û bang dikim
biraye xwe li pişta xetê
li başur li barêş
were ba min kadestê xwe?
pişta teme "Sûrha Çin"
bawer meke gotinê "marê zer"
"rih dibê post, lê dijmin nabê
dost"
Paşayâ "Kor" mirê Rewandiz
mina Bedirxanê Botan
na gotin , bakur û başhur
dane ber xwe
ji Dersim. heta bi Mûsil, Kerkuk