[beyaban]

Jîyan
Gelo çima dijî mirov
Ji bo çîye û çi nîne
Ger xirabî ger çêyî
Herdem hertişt li ba wî ye

Dil û jîyan bikin yek e
Xwe nexapînin bi malê dunê
Rastî bêjin rastî bijîn
Hevra bibin yek dil û can e

Êdî bese rabin serxwe
Bigerin bi hevra sema
Têla tembûra min dibê
Zulfîqar şûrê heqane
Gotin: Semî Ber & Yilmaz Ersahin
Muzîk: Yilmaz Ersahin

Tew zerê
Jorda hatî refik qazo
Wî dilo yo yo yo yo
Jor da hatî refik qazo
Tew zerê wez mêvanê teme

Hêvrî girtî gaz bi gazo
Wî dilo yo yo yo yo
Ez çibikim dewet bê sazo
Tew zerê wez mêvanê te me

Jor da hatî refik cuko
Hêvrî girtî sûk bi sûko
Ez çibikim dewet bê bûko
Tew zerê wez mêvanê te me
Gotin û Muzîk: Gelêri
Berhevkar: Yilmaz Ersahin & Arslan Dogan

Sîpanê
Kî here axa Tetwanê
Wê bibine çiyayê sîpanê
Cîh warê siyabend û xecê
Xeml û rewşa Kurdistanê

Sîpan sîpane xelatê
Bilind bûn çiqas li te tê
Ava te ava qudretê
Gulên te gulên cunetê

Te kul û xem pir dîtye
Zulm û zorê te pir dîye
Xwezgînî hate girtne
Soz û peyman wan dane
Gotin û Muzîk: Dilovan

Sebra min
Ji xwe dipirsim sebrate kanî
Gelo wenda ye kê ew hilanî
Nikarim bijîm tim bê te lê yarê
Dilê min diêşe ji ber te yarê
Canê min diêşe ji ber te yarê

Evînê birine ez pir bêhal im
Delalê xezalê ez kur dinalim
Şîrînê delalê ez pir bêhal im
Xezalê delalê ez pir bêhal im

Pelê te gulê sorê sor ave
Wek birîna min hîn jî bê nave
Dibê bibînim çavên kildayî
Ev demên sirîn biskên badayî
Bi tenê nabe bê te xew nakim
Gotin û Muzîk: Peywan Arjîn

Şev
Wa dîsa bû şev
Xewa min nayê
Van şevên tarî
Dawî lê nayê

Tenahî zor e
Sebra min nayê
Dîlber xeyîdîye
Pêjîn jê nayê

Dimînim şîyar
Di gel xeyalan
Sevhêrkêm diçin
Tev puç û vala

Dijmêrim derdan
Dirêşim kulan
Dilber xeyîdîye
Pêjîn jê nayê
Helbest: Beşîr Mele Newaf
Muzîk: Peywan Arjîn

Keçika cindî
Hana na keçika cindî
Tu çiqas rind î poz bilind î
Tu ji vî gundî ez ji vî gund î
Nizanim çima tu poz bilind î

Hana na na cana na na
Na na na şimik sorê
Şimikan derîne were jorê
Min bi xulama te porsorê

Hana na na cana na na
Na na na şimik reşê
Şimikan derîne were hewşê
Min bi xulama te por reşê
Gotin û Muzîk: Gelêrî
Berhevkar: Yilmaz Ersahin

Kurmes
Kurmes bişewute li ber gaze
Xebera xirab ji me çi dixwaze
Wez ji qu kuva terim narim
Xebera kotî di pêşya min dibeze
Were eman eman eman eman
Wez helîyam dayê teva nemam
Ro vêket di gazê da warbû
Derd û kulê me dihevda rabûn
Şevaka payîzê sibe bû
Derd û kulê me ne eyle bûn ne sar bûn
Gotin û Muzîk: Dayika Edo
Berhevkar: Semî Ber

Çima
Çim çim çima nay çima
Esmer çima tu nayê
Çim çim çima nay cima
Dîlber çima tu nayê

Çavêm kor bû ji hêsiran
Lawo tu li xerîbîyê mayî
Veger were cem dayka xwe
Welat li hêvya te maye

Berfa welatê me helîya
Bihar hat tu nehatî
Gul û sosin tev rengîne
Dilê dayîka te bi xemgîne
Gotin û Muzîk:
Semî Ber & Yilmaz Ersahin

Hêviya min
Hêvîya min ji te heye ey hîcrana can
Wer dermanke van birînan bi gul û rihan
Hun gazincan ji min nekin derdêm giran a
Evîna dijwar bila neyê serê gurana

Pir havîn zivistan va çûn dîsa deng nehat
Ma kê dîtîye gelo van birînên xedar
Ew ne li vir ez dûrketim li xerîbiyê
Bûye zindan jîyana bê evîndarîyê
Gotin û Muzîk: Armanc

Ax û dax
Ax û daxû derdî le dest dunyayê
Pesew û bê halim derd bê duwayî
Em sersamîya
Bê aramiya
Dil nakamîya
Key dîye kotayî
Bûhar çûye derom pêy xirabtirim
Nasre wê dilêy pir li agirim
Ne li nav gulîzar
Nelay xizmû yar
Ne li dest û sar
Oxre nagirim
Gotin: Goran
Muzîk: Arslan Dogan & Koma Mizgîn

Lo lawiko
Binê malê me bi rê ye
Tûncik topa rimê ye
Dikim delal revînim
Bavêm kela Wanê ye
Delal Delal delal wî delal
Ax delal lo lawuko

Sêva sor bê dendiko
Ba xelkê ne tisteko
Li ba min teberiko
Delal delal delal

Hamdi li gir fitili
Te di li gir fitili
Neynik dani xemili
Xweskam yara xwe biditi
Li ser kevna ewulî
Delal delal delal
Gotin û Muzîk: Gelêrî

Agir
Agirê şewata dilê dayîkan
Dişewute venamire
Agîrê hezar salan
Dişewute venamire

Agir agir roj agir
Tîna dilê me agir
Şewata azadîyê
Hesreta Kurdan agir

Tim buharê li newrozan
Ronî dide deşt û çîyan
Agîrê dilê şehîdan
Dişewute venamire
Helbest: Yilmaz Ersahin
Mûzîk: Yilmaz Ersahin

Şivano
Şivano coş dibî tu li dest û diyaran
Nabînî tu ruyê ne derd û xedaran
Şa dibî tu herdem bi berx û bi karan
Xwezil ji berxên te jî yek ezbama

Heyla lawo şivano
Ez heyrana şivano
Heyla lawo şivano
Ez qurbana şivano

Pif dikî bilûrî tu li şevên tarî
Top dibin pezên te tev li te dikin guhdarî
Çi dibê tu ji wanra tu bi kîjan zarî
Xwezla ji guhdarên te jî yek ezbama
Helbest: Kemal Badilli
Mûzîk: Yilmaz Ersahin